Araba Herriz Herri aurkeztuko dugu

2021(e)ko Urriaren 8a, Ostirala

Araba Herriz Herri aurkeztuko dugu

Araba lurralde ezin hobea da bizikletaz ezagutzeko. Gaur 'Araba Herriz Herri' aurkeztuko dizuegu, Arabako eta Trebiñuko 500 herriak zeharkatzen dituzten 71 ibilbide biltzen dituen webgunea. BTT edo errepideko zikloturismorako 4.000 kilometro baino gehiago duten ibilbideak eskaintzen ditu, ibilbide eta herri bakoitzeko mapa interaktiboei, errutometroei eta banakako fitxei esker.

‘Araba Herriz Herri' plataforma hainbat ataletan antolatuta dago: 

  • Historia: proiektuaren prozesua jasotzen da, jaio zenetik egungo plataformara arte.
  • Ibilbideak, 71 ibilbide zerrendatuta eta mapa interaktibo batek lagunduta. Mapa horretan, txirrindularitza motaren arabera kokatuta daude ibilbide horiek, eta horietako bakoitzaren banakako fitxak eskura daitezke.
  • Ibilbideek zeharkatzen dituzten Arabako eta Trebiñuko 500 herriak mapa batean kokatuta daude, baita lurraldeko jenderik gabeko gune guztiak ere, eta horietako bakoitzetik zeintzuk ibilbide igarotzen diren ikus daiteke.

Fitxak, era berean, ibilbidearen mapa interaktibo batez osatuta daude, altimetria, datu teknikoak eta track-ak deskargatzeko estekak dituena, baita ibilbide horrek zeharkatzen dituen herrien zerrenda ere, herri bakoitzari buruzko informazio historiko kulturalarekin eta argazkiekin. 

Orain zure txanda da. Vital Fundaziotik Araba Herriz Herri osatzen duten ibilbide guzti-guztiak ezagutzera gonbidatzen zaitugu.