1194an, Alfontso VIII.a erregeak Gesaltza Añanako hiribilduari eman zion herri hau. Lagapen hori, ondoren, Alfontso X.a erregeak eta bere seme Antso IV.ak berretsi zuten. Gesaltzari ogi bat eta arrautza pare bat ordaintzera behartu zituen bere biztanleak, Erroska izenarekin ezagutzen den zerga, herriak eman behar zuen diruaz gain.

Santa Eulalia eliza Erdi Aroko tenplu bat da, XVI. mendean beste batek ordezkatu zuena. Portada errenazentista dagoen barrutira sartzeko bi arku eta arku erromaniko itsutua dituen elizpea du. Erretaula nagusia barrokoa da.