Araba Herriz Herri
HISTORIA
1994an, José Luis Ruiz de Infantek, Zazpik, “Araba Herriz Herri” argitaratu zuen, Arabako herri guztietatik BTTn egiteko 31 ibilbide. Eta urte bereko urrian proiektua osatu zuen, “Trebiñu herriz herri, Trebiñuko 52 herrietatik BTTn“ argitaratu zuenean.
José Luis Ruiz de infante Oreitian jaio zen 1947an, eta Agurainen bizi da 1974az geroztik. Oso ezaguna da Arabako Lautadan; izan ere, liburua argitaratzearen ondorioz, txangoak egin zituen ibilbide horietan interesa zutenekin, eta pasio hori gaur egunera arte iritsi da, bera baita Aguraingo jubilatuen ‘jubimartxak’ izeneko mendi-martxetako ibilbideak antolatzeaz arduratzen dena. Urteko asteazken guztietan egiten dira aipatutako ibilaldi horiek.
Proiektuaren hurrengo etapa Vitoria-Gasteizko David Monterori dagokio. 2020ko konfinamenduaren garaian, duela gutxi zendutakoa eta Arabaren zale amorratua zen aitaginarrebaren liburutegian José Luis Ruiz de Infanteren dagoeneko deskatalogatuta dagoen liburu aurkitu zuen, eta urte horretako uztailetik aurrera hasi zen ibilbide guztiak egiten, neurri batean aitaginarrebari eta bere zaletasunari omenaldia eginez.
David Monterok bira eman dio proiektu horri, eta digitalizatu egin du. Ibilbide guzti-guztiak igo ditu sare sozialetara, herrietako izenen kartelen argazkiak ere bai, baita bertako elizetako argazkiak ere.
“Zazpik“ idatzitako gidaliburuari jarraiki, ibilbideak aztertu eta ibilbideak eguneratu zituen, egungo baldintzetara egokitzeko; izan ere, 26 urteren ondoren, bai herriak bai bideak eta errepideak aldatu egin dira. Baina José Luisen lanaren funtsari eutsi dio, eta dioenez: “Herri guztiak ibilbide zirkularretan batzeaz gain, zailtasunean igotzen joatea lortu zuen. Lehenengo errazenak daude, eta jarraian, gero eta desnibel handiagoa dutenak datoz“.
David Monterok bi hilabete eta erdian egin zituen ibilbide horiek, eta 1.500 jarraitzaile baino gehiago bildu zituen Twitterren; https://twitter.com/arabaherriz?lang=es
eta Instagramen:
https://www.instagram.com/arabaherrizherri /
Abentura honekin bat egin du Iñaki Jimenezek, eta Davidek sare sozialetan egindako deiari erantzun dio, ahotsa emanez ibilbide horrek zeharkatzen dituen herrietako alderdi historiko-kulturalari; horrela, bisitatutako herri bakoitzari buruzko apunte laburrak uzten ditu.
Unai Ugartek aurkezten duen 'Herrian' Radio Vitoriako irratsaioan hartzen dute parte biek, eta ibilbide bakoitzari buruz hitz egiten dute astean behingo saioan.
Bestalde, eta gertatzen ari zen guztiaren berri izan gabe, Eje Pedalier taldea antzeko proiektu bat egiten hasi zen, Arabako herriak emotikonoen bidez asmatzeko joko baten ondorioz. Baina oraingo honetan errepideko bizikletarekin, “Araba osoa bizikletaz“ izenekoa.
Eje Pedalier taldearen proiektua eta Araba Herriz Herri alderatuz gero, hainbat irizpide desberdin aurkituko ditugu, Eje Pedalier taldekoak probintziako errepide guztietatik ibiltzen baitira eta dauden mendate guztiak igotzen baitituzte. Gure lurraldearen berezko konfigurazioa eta errepideko txirrindularitzan har daitezkeen distantziak direla-eta, ibilbide gehienak Vitoria-Gasteizetik abiatzen dira.
Eje Pedalier taldeak nahiz Davidek bestearen proiektua ezagutu zuten, eta irizpideak bateratu zituzten zein herritatik igarotzeari dagokionez.
Eje Pedalier, Enneco Viana, Udalaitz Roa eta Alberto Diaz zaleek osatutako txirrindulari talde bat da, eta txirrindularitzan eta gai horri lotutako gaietan espezializatutako webgune bat:
https://ejepedalier.wixsite.com/ejepedalier
eta podcast bat (emakumezko eta gizonezko profesionala, bide-segurtasuna, historia, bizikleta-ibilbideak) egitera animatu ziren, Eje Pedalier. 107 saio egin dituzte lau denboralditan eta bertako hedabideekin (Radio Marca eta Radio Siberia) zein nazioartekoekin (Virtualísima Radio, Colombia) elkarlanean aritzen dira.