Hiri honen izenak bere izaera militarraren berri ematen digu.

Inguruan dagoen nekropoli kopuruak, probintziako zati horretako populazioen antzinatasunaren ideia bat ematen digu. Ondoen kontserbatu denetako bat Erremelluri upategiaren instalazioetatik metro gutxira dago.

Eraikinik zaharrena Kristo Santuaren ermita da, gotorleku erromanikoa goiko aldean.

Harresiz inguratutako barrutitik bi ate geratzen dira: Toloñoko Arkuarena eta Larrazuriako Arkuarena. Bi arkuen artean, asko dira armarridun jauregi-etxeak, hala nola Paterninatarrena. Esaten dutenez, bertan, 1809ko azaroko gau batean Jose Bonapartek eman zuen gaua bere logela gorrian, hala deitua hormak apaintzen zituen damaskoagatik. Beste hainbat jauregi-etxe daude, esaterako Ramirez de la Piscinatarrena, Garaizabaltarrena, bere armarriarekin, eta Salazar-Quintanotarrena, udaletxearen ondoan.

Jasokundeko elizaren portada ederra, XVI. mendekoa, eta bere sakristia bikaina miretsi ditzakegu.