Jugalez ibaiak herri osoa zeharkatzen du eta bi eremutan banatzen du. Gaur egun herriak erabiltzeko elkarte bat dagoen plaza txikian, emari ugariko iturri polit bat ikus daiteke.

Urizaharreko herrixka bat izan zen, 1520an hiribildu titulua eman zioten arte. San Migel eliza XVI. mendean eraiki zen, Sarmientotarrek toki horretan eraiki zuten etxearen hondarrak aprobetxatuz. Etxearen arku zorrotza, hiru leihate eta gezileiho bat kontserbatzen dira.

Uraren Ibilbidea izeneko pasealekua nabarmendu behar da, Jugalez ibaia inguratzen duena eta ur-jauzi ikusgarri batzuen ondotik igarotzen dena. Hamar bat kilometroko luzera duen ibilbide zirkularra da, ia zailtasunik gabea. Horrez gain, Campoko Andre Mariaren ermita bisita dezakegu. Baselizaren irudia hainbat gaitzen eta harriaren aurka gurtzen zen.