Herri honetan Miñaotik zetorren mandazainen bidea abiatzen zen eta, Nafarrate eta Elosutik igaroz, Arratiako haranerantz jarraitzen zuen, Bizkaiko kostaldera irteteko.

Bertakoa zen Landaburu familia. Familia horretako kide batzuk, XVIII. mendean, eskribau joan ziren Lekeitiora eta dirutza handia egin zutenez, herriko etxerik garrantzitsuenetako bat eraiki zuten, ondoren López de Calle familiaren jabetzara pasa zena.

Errota garrantzitsu bat egon zen, Rueda de Urrunaga izenekoa, Abendañotarren jabetzakoa, eta 1682an, jaurerria amaitu zenean, Villarrealeko Ermandadearen jabetza izatera pasa zena. Gaur egun urtegiko uren azpian dago.

San Joan Bataiatzailearen elizak giltzarri polikromatu multzo ederra du presbiterioaren inguruan.