Balio artistiko handiko bi edo hiru etxe daude, eta horietako batean, Donemiliaga parrokiaren ondoan, Zuazotarren armarria dago. Etxe hori, Arabako Lautadako beste asko bezala, Nafarroako Erresumari lotuta egon zen jatorrian, eta bertako errege Antso Ramirezek Rodrigo de Zuazori eman baitzion armarri hori, Gaztelako Antso II.arekin Vianako zelaietan izandako borrokan erakutsitako leialtasuna saritzeko.

Eliza XVI. mendekoa da. Sarrerako arkuan hiru erliebe dituen portada bitxia du. Elementurik zaharrena erretaula barrokoak estaltzen duen okulua da, Martín de Arenaldek egina.

Erretaula nagusian, titularraren tailu bat agertzen da, motibo ezberdinak dituzten zazpi mihisez inguratuta. Erretauletako irudi guztien artean, Ama Birjina eta Haurra dituen Santa Anaren eskultura bat nabarmentzen da, XIV. Mendekoa, Arte Sakratuaren Museoan dagoena.