Ziurrenik, Arabako Errioxan ermita gehien izan dituen herria da. Hamaika arte kontatzen dira, horietatik, XVIII. mendean oraindik zortzi zutik zeudelarik. Kopuru handi hori Biurkoko San Migel monasterioaren herri oinordekoa izateagatik azaltzen da, eta horrek debozio asko erakartzea eragin zuen.

Herri honen bitxikeria da San Joan Bataiatzailearen elizaren ondoan izoztegi bat duela. Dokumentu batzuen arabera, 1665. urtean herriak jadanik elurra saltzen zuen. Elizaren portada errenazentista, xumea eta dotorea da. Erretaula nagusia Errenazimentuko obra oso ona da. Nabarmentzekoa da koruan dagoen harlandua, XVIII. mendean egina.

Herritik oso gertu, Bertzijanako Ama Birjinaren ermita dago. XII. mendean, elezaharraren arabera, Bercijan artzainari agertu zitzaiolako darama haren izena. Irailaren 18an, zortzi mutilek Ama Birjinaren omenezko Katearen dantza interpretatzen dute, katximorroak zuzenduta.

Bitxia da iturri gotikoa, erromatar bainu moduko harrizko arku batzuekin.