Hiribilduak gotorleku itxura du oraindik ere, eta iraganean Portiella de Korresko gaztelu historikoak defendatu zuen. Oraindik ere gaztelu horren zenbait aztarna geratzen dira. Gaztelaren eta Nafarroaren arteko mugan toki estrategikoa zenez, Alfontso X.ak forua eman zion 1256an, eta, aldi berean, beste bi herri garrantzitsuri ere bai, hala nola Santikurutze Kanpezuri eta Aguraini.

Aipatzekoa da Santo Tomasen Summa contra Jentiles lanaren ale bat dagoela, 1552an argitaratua.

Bere kaleetan, Erdi Aroko hiribildu baten ohiko eskema mantentzen da, pasabide bitxiak ditu-eta. Estanpa eder bat osatzen du Latiaza haranaren ondoan, eta beste aldean Peñako Ama Birjinaren ermita ikus daiteke. San Esteban elizatik uharkara irits daiteke, zalantzarik gabe edertasun handiko lekura, Izki ibaiak ur bildu ikusgarriz betetako paisaia baita. La Muela mendiko haitzek menderatzen dute harana eta txango bat egitera gonbidatzen dute. Parkeko etxea bisita dezakegu, Turismo bulego berri bat; bertan, Izkiko Parkeari buruzko informazio turistiko zehatza aurkituko dugu.