Hirurogei biztanletik inoiz pasa ez den herria izan arren, hainbat dira herri honetako etxeetatik atera ziren seme ospetsuak. Gogoan izan behar dugu Francisco de Mandojana y Zarate, Calatravako zalduna, haren seme Frantzisko, Indietara eta Perura joan zena; Sebastian de Retana, Ofizio Santuko Komisarioa edo Juan de Mendoza, hori ere Indietan aberastasun bila ibili zena.

San Esteban elizan, otoitz egiten ari den irudi bat duen nitxo bat ikusten da. Bertan, pertsonaia horietako lehena aipatzen da, eta 1616an hil zela jartzen du.