1813an, hamahiru begi eta berrogei metro baino gehiagoko luzera duen zubiak oso paper garrantzitsua izan zen Gasteizko guduan; izan ere, bertako baserritar batek gidatu zituen ingelesek hartu zutenean, Frantziako atzealdearen gainean erori ziren eta balantza beren alde desorekatu zuten. 1915ean Monumentu Historiko Artistiko Nazional izendatu zuten.

Badaiako Santa Katalina komentuaren hondakinetatik oso gertu dago. Juan Martinez de Iruñak XIII. mendean eraiki zuen bere dorrea, handik gertu zeuden Mendozako eta Martiodako dorreak zelatatzeko helburuz. Mende bat geroago, egoitza hori Jeronimoen esku utzi zuten. Handik gutxira, Agustindarretara pasa zen eta Santa Katalina monasterioa eraiki zuten, dorre zaharra kontserbatuz. Gaur egun, Santa Katalinako Lorategi botanikoaren zati da.

Herriko etxeen artean, XVII. mendearen erdialdeko etxe bat dago, armarria eta etxe kapare itxura dituena. Ibaiaren ondoan, Axpeako errota-gotorlekua ikus daiteke, Zadorra ibaiaren ondoan. XIV. mendeko eraikuntza bat ere ikus daiteke, gezileiho eta arku zorrotzekin.

Santiago eliza, hiru kanpaientzako kanpai-horma bat duen XV. mendeko tenplua da.